ପ୍ରତ୍ୟାଶା - ଯୋଗେଶ୍ଵର ଗହୀର

ପ୍ରତ୍ୟାଶାରେ ତୁମ ନିଦ ଆସେ ନାହିଁ 

ନିଦ୍ରାହୀନ ଏ ନୟନେ, 

ବୀରହ ବେଦନା ଦିଅଇ ଯାତନା 

ପ୍ରତିକ୍ଷଣେ ମୋ ସପନେ । 

ମନ ଇଲାକାରେ ତୋଳିବି ନଅର 

ତୁମେ ମୋ ସପନ ରାଣୀ, 

କାହିଁ କେତେ ଦିନୁ ରହିଛି ଅଧୁରା 

ଆମ ଦୁହିଁଙ୍କ କାହାଣୀ । 

ସୁଖମୟ ହେବ ଆଗାମୀ ଭବିଷ୍ୟ 

ଗଢ଼ିବା ସୁନା ସଂସାର, 

ନିନ୍ଦୁ ଥିଲେ ନିନ୍ଦୁ ଅବା ଘୃଣା କରୁ 

ଦୁନିଆଁକୁ ନାହିଁ ଡର । 

ଏତିକି ମୋ ଆଶା ବାନ୍ଧି ଅଛି ବସା 

ଅପେକ୍ଷାର ହେବ ଅନ୍ତ, 

ସୁପ୍ତ ହୃଦୟ ମୋ ପ୍ରେମ ସ୍ପର୍ଶେ ତବ

ଚେଇଁ ଉଠୁ ସେ ଜୀବନ୍ତ । 

କି ଭୁଲ୍ କରିଛି ଦେଖିବି ଭାବି ମୁଁ 

ତବ ନବ ବଧୁ ବେଶ, 

ନ ପାଇବି ଯଦି ଜୀବନେ ତୁମକୁ 

ରହିବ ମୋ ଅବଶୋଷ । 

ଯୋଗେଶ୍ୱର ଗହୀର, 

କେସିଙ୍ଗା, କଳାହାଣ୍ଡି

ମୋ - 8249405395